Khit Thit Afternoon News | April 1, 2026

Khit Thit သတင်းဌာန၏ ဧပြီ ၁ ရက် နေ့လယ်ပိုင်း ရုပ်သံသတင်းအစီအစဉ် By ရန်ကုန်ခေတ်သစ် ဒီကနေ့ ဧပြီ ၁ ရက် နေ့လယ်ပိုင်း တင်ဆက်ပေးမယ့် သတင်းတွေကတော့ - အကြမ်းဖက်စစ်တပ်ရဲ့ အာဏာသိမ်းမှုကာလအတွင်း တော်လှန်ရေးရဲဘော်တွေကို ညှဉ်း ပန်းသတ်ဖြတ်ခဲ့ပြီး လာဘ်ပေးလာဘ်ယူမှုတွေ၊ တန်ဖိုးမြေသိမ်းယူမှုတွေနဲ့ နာမည်ဆိုးကျော်ကြားသူ ကျော်ကိုထိုက် စစ်ဘက်ရေးရာထောက်လှမ်း ရေးမှူးချုပ် ဖြစ်လာတယ်လို့ နေပြည်တော်စစ်ဘက် သတင်းရင်းမြစ်နှင့် CDM ဗိုလ်ကြီးဇင်ယော်ဆီကနေ သိရပါတယ်။ - မြန်မာစစ်တပ်ကို နိုင်ငံရေးကနေ ဖယ်ရှားမယ့် ဖက်ဒရယ်ပြည်ထောင်စုပေါ်ထွန်းရေး ဦးဆောင်ကောင်စီကို နိုင်ငံတကာက ထောက်ခံကြဖို့ မြန်မာနိုင်ငံဆိုင်ရာ အထူးအကြံပေးကောင်စီ (SAC-M) က ဒီနေ့ တရားဝင် ကြေညာတိုက်တွန်း လိုက်ပါတယ်။ - တိုင်းပြည် အာဏာလုယူထားတဲ့ အကြမ်းဖက် မင်းအောင်လှိုင်နှင့် စစ်ဗိုလ်ချုပ်တွေက အရပ်သား အစိုးရ ပြန်လည်တည်ထောင်တာဟာ ဒီမိုကရေစီ မဟုတ်ဘဲ လိမ်လည်မှုသာဖြစ်တယ်လို့ ဒေါ်အောင်ဆန်းစုကြည်ရဲ့ သားဖြစ်သူ Kim Aris (ခေါ်) ကိုထိန်လင်းက မနေ့က မတ်လ ၃၁ ရက်နေ့မှာ သူ့ရဲ့ လူမှုကွန်ယက်စာမျက်နှာကနေတဆင့် ပြောကြားလိုက်ပါတယ်။ - အမေရိကန်သမ္မတ ဒေါ်နယ်ထရမ့်က အီရန်နိုင်ငံအပေါ် ဆင်နွှဲနေတဲ့ စစ်ဆင်ရေးတွေကို နောက်ထပ် နှစ်ပတ်ကနေ သုံးပတ်အတွင်းမှာ အဆုံးသတ်နိုင်ခြေရှိတယ်လို့ အင်္ဂါနေ့ မတ်လ ၃၁ ရက်နေ့မှာ ပြောဆိုလိုက်တဲ့ သတင်းအပါအဝင် နေ့လယ်ခင်းသတင်းတွေကို တင်ဆက်ပေးပါမယ်။