အမေရိကန်နဲ့ အီရန် ထုတ်ပြန်ချက်တွေကြောင့် စတော့နဲ့ ရေနံဈေးကွက်တွေမှာ အတက်အကျများ ဖြစ်ပေါ်

အမေရိကန်နဲ့ အီရန်ခေါင်းဆောင်တို့ရဲ့ ကွဲလွဲတဲ့ ထုတ်ပြန်ချက်တွေကြောင့် ၂၄ နာရီအတွင်း စတော့နဲ့ ရေနံဈေးကွက်တွေမှာ အတက်အကျများ ဖြစ်ပေါ် ---------------- အီရန်ရဲ့ လျှပ်စစ်ဓါတ်အားပေး စက်ရုံတွေအပေါ် တိုက်ခိုက်မယ့်အစီအစဉ်ကို ငါးရက် ရွှေ့ဆိုင်းလိုက်တယ်လို့ မတ်လ ၂၃ ရက်မှာ သမ္မတဒေါ်နယ်ထရမ့်က ပြောခဲ့ပြီးနောက်မှာ အမေရိကန် အစိုးရအနေနဲ့ လက်ရှိပဋိပက္ခကနေ ရုန်းထွက်ဖို့ လမ်းစရှာနေပြီလို့ ရင်းနှီးမြှုပ်နှံသူတွေက ယူဆခဲ့ကြတဲ့အတွက် အမေရိကန်စတော့စျေးကွက်ဟာ စစ်ပွဲဖြစ်ပြီးနောက်ပိုင်း အမြင့်ဆုံးအခြေအနေအဖြစ် မတ်လ ၂၃ ရက်က ၁ဒဿမ ၁ ရာခိုင်နှုန်း မြင့်တက်ခဲ့ပါတယ်။ ဒီနေ့ မတ်လ ၂၄ ရက်၊ အာရှစတော့စျေးကွက် ဖွင့်ချိန်မှာ တိုကျို၊ ဟောင်ကောင်၊ ရှန်ဟိုင်း၊ ဆစ်ဒနီ၊ ဆိုးလ်၊ တိုင်ပေနဲ့ မနီလာက စတော့စျေးကွက်တွေ အားလုံး အတက်ဘက်ကို ရှိခဲ့ပေမယ့် နေ့လယ်ပိုင်းမှာတော့ အနည်းငယ်စီ ပြန်ကျခဲ့ပါတယ်။ အခုလို အမေရိကန်နဲ့ အီရန်ခေါင်းဆောင်ပိုင်းတွေကြားမှာ စစ်ပွဲရပ်ဖို့ မတူညီတဲ့ ထုတ်ပြန်ချက်တွေ ထွက်ပေါ်နေသလို ဟော့မုဇ်ရေလက်ကြား ပြန်ဖွင့်ပို မသေချာသေးတာကြောင့် မတ်လ ၂၃ ရက်က ကျဆင်းသွားတဲ့ ကမ္ဘာ့ရေနံဈေးဟာ ဒီနေ့ မတ်လ ၂၄ ရက် အာရှဒေသစံတော်ချိန် နံနက်ပိုင်းမှာ တစ်စည်ကို ဒေါ်လာ ၁၀၀ အထက် ပြန်လည် ရောက်ရှိခဲ့ပါတယ်။