Nada Harfoush | Wellbeing

عندك ارتجاع وحموضة؟ طريقة أكلك للحمة هي المشكلة

عندك ارتجاع وحموضة؟ طريقة أكلك للحمة هي المشكلة، وشوف البدايل المناسبة اللي قيمتها الغذائية أفضل من اللحمة اللحوم الحمرا أصعب طعام في الهضم على أي حد مصاب بالارتجاع، ودايمًا تلاقي عنده الشكوى بتاعة: اللحمة تقيلة عليا جدًا وهضمها صعب، وأول ما أكلها أبدأ أحس بغثيان أو ألم في بطني، انتفاخ شديد، والارتجاع يزيد.. ممكن مش كلهم مع بعض، بس شوية منهم.. لكن دايمًا هتلاقي شكوى من اللحوم الحمرا بالتحديد في حالات نقص حمض المعدة.. يعني يمكن نفس الشخص مش بيعاني من نفس الصعوبة مع بقية أنواع البروتين، ودي شكوى أنا سمعتها من ناس كتير أوي.. أنا أكل أسماك وفراخ وبيض وأي نوع بروتين، لكن اللحوم الحمرا بتتعبني جدًا. والشكوى دي حقيقية جدًا.. لأن اللحوم الحمرا مش أصعب في الهضم، لكن أبطأ، وبتحتاج حمض معدة أقوى عشان تتكسر وتتهضم، لكن المشكلة إن مريض الارتجاع والتهاب المعدة هو أكتر شخص محتاج لحوم حمرا، لأن هي اللي فيها كل المركبات اللي بترمم بطانة المعدة، فتجنبها ضرره بيكون أكتر من فايدته، غير إنه غالبًا أصلًا بيكون عنده فقر دم ونقص في البي فيتامينز بسبب سوء الامتصاص، ودول بردو أهم مصدر ليهم هو اللحوم الحمرا.. طيب نعمل إيه؟ فيه حلول كتير تساعدنا نخلي اللحوم الحمرا أسهل في الهضم، فما تسببش الأعراض المزعجة دي ولا الارتجاع: ١- بلاش ناكل اللحمة سليمة، قطع كدة.. الأفضل في الحالة دي هو اللحم المفروم.. فرم اللحمة بيكسر الأنسجة بتاعتها، فهضمها بيكون أسرع وأسهل وبتحتاج حمض أقل، وبتفضل محتفظة بكل الفوايد بتاعتها. ٢- لو الخيار المتاح هو اللحمة القطع، يبقى نسويها كويس جدًا، وأفضل طريقة للتسوية في الحالة هي طريقة الطواجن أو اليخني، اللحمة تستوي في المياه بتاعتها على درجة حرارة قليلة لوقت طويل.. وابعدوا تمامًا عن موضوع ننزل باللحمة في حلة سخنة جدًا عشان تاخد الصدمة.. صدمة في قلب عدوينك يا حبيبتي.. الصدمة دي بتخلي الأنسجة تشد وتبقى متصلبة أكتر، وهضمها بيبقى أصعب.. يعني باختصار نبعد عن اللحمة القاسية أو اللي سواها قليل.. يعني لو عندك ارتجاع ما تروحش تاكل حتة ستيك ميديم رير وتقولي أنا عندي ارتجاع ليه.. حتة الستيك دي تسيبها لي أنا هاكلها، مش هنرمي النعمة.. لكن إنت تاكل لحمة مفرومة لحد ما نعالجك. ٣- وده أفضل حاجة في نظري.. ركز أكتر على أعضاء الحيوانات مش على اللحوم نفسها، زي الكبدة والقلب والكلى.. فيها أضعاف أضعاف فوايد اللحوم الحمرا، الأنسجة بتاعتها أسهل بكتير في الهضم، وبتساعد في التئام القرح والالتهابات أكتر. إخلاء مسؤولية طبية (Medical Disclaimer): المحتوى المقدم في هذا الفيديو هو بغرض التعليم والتوعية العامة فقط، ولا يعتبر استشارة طبية مهنية أو تشخيصاً أو علاجاً. المعلومات الواردة هنا تعبر عن تجارب وأبحاث في مجال التغذية العلاجية والطب البديل. يجب دائماً استشارة الطبيب المختص قبل البدء في أي نظام غذائي جديد أو تناول مكملات غذائية، خاصة إذا كنت تعاني من حالة طبية مزمنة أو تتناول أدوية بانتظام. الاعتماد على المعلومات الواردة في هذا الفيديو يتم على مسؤوليتك الشخصية. #ارتجاع_المريء #حموضة_المعدة #جرثومة_المعدة #القولون_العصبي #الهضم #صحة_الجهاز_الهضمي #خل_التفاح #علاج_طبيعي #ندى_حرفوش #نقص_حمض_المعدة #انتفاخ_البطن #بكتيريا_الامعاء #التهاب_المعدة #لحم #لحوم #اللحم #اللحوم #تغذية #صحة #سلامة_الغذاء #وعي #ندى_حرفوش #Nutrition #Health #FoodSafety #FoodEducation #NNadaHarfous